Canolfan Dreftadaeth Cae'r Gors

“A dyma’r ofn yn dyfod yn ôl eto, ofn y bydd y darllenwyr yn diarhebu fy mod yn ysgrifennu am bethau mor ddibwys. Ond nid ydynt ddibwys i mi, dyna fy mywyd, dyna’r gymdeithas y ganed fi iddi.”
Y Lôn Wen

Byd Begw - Pecyn Hanes i Ysgolion CA1 a 2

Awdur: Eryl Thomas

Lluniau: Alan Jôs

Dyluniwyd gan Delwedd

Golygyddion: Siân E R Davies a Gwenllian Williams

Gwisgoedd: Gwenni Williams

Diolchiadau: Dewi Tomos, Megan Lloyd Williams, Ysgol Baladeulyn

Pris: £25
(pris llogi’r blwch gwrthrychau yw £10 y tymor. Yr ysgol i wneud trefniadau i’w gasglu a'i ddychwelyd)

Croeso i Fyd Begw, pecyn addysg trawsgwricwlaidd i ddisgyblion cyfnod allweddol 1 a 2. Mae’r pecyn addysg yn seiliedig ar y gyfrol Te yn y Grug gan Kate Roberts, ac yn trafod pob agwedd o fywyd ar dyddyn ar droad yr ugeinfed ganrif, a hynny trwy lygaid ifanc a sylwgar Begw. Mae tri agwedd i’r pecyn:

  • Deg stori fer yn trafod profiadau penodol ym mywyd Begw, megis dydd Llun golchi, yr ysgol Sul, diwrnod corddi a chynhaeafu gwair. Gellir dewis gwrando ar ddarlleniadau o’r straeon hyn ar ffurf ffeil MP3, arddangos y straeon ar fwrdd gwyn rhyngweithiol yn y dosbarth, neu gynhyrchu copïau papur ohonynt trwy’u hargraffu.
  • Adran ar gyfer yr athro/athrawes sy’n cynnwys geirfa, pwyntiau trafod a gweithgareddau i’w cwblhau yn y dosbarth. Nodir nod ac amcanion y gweithgareddau’n ogystal, yn unol ag argymhellion y Cwricwlwm Cenedlaethol, i’w defnyddio ar gyfer llunio cynlluniau gwersi.
  • Blwch yn llawn gwrthrychau (i’w benthyg am gyfnod) sy’n cyd-fynd â’r straeon, i’w defnyddio mewn arddangosfa ddosbarth neu yn ystod ymarferion chwarae rhôl.

Cliciwch yma am ragor o fanylion parthed y straeon a’r gweithgareddau trawsgwricwlaidd

I Archebu:
Pecyn digidol yw Byd Begw, i’w lawr lwytho at ddefnydd yr ysgol.

Telerau ac Amodau:
Hawlfraint Cae’r Gors: Canolfan Dreftadaeth Kate Roberts
Cedwir pob hawl.

Caniateir i’r ysgol sydd wedi talu am y pecyn i lawr lwytho ac atgynhyrchu unrhyw ran o’r pecyn addysg, ac nid oes cyfyngiad ar y nifer o gopïau a wneir.

Ni chaniateir atgynhyrchu na throsglwyddo mewn unrhyw ddull na thrwy unrhyw gyfrwng electronig, electrostatig, tâp magnetig, mecanyddol, ffotocopïo,
recordio nac fel arall i unrhyw berson neu sefydliad ei ddefnyddio y tu allan i’r ysgol sydd wedi’i hawdurdodi i ddefnyddio’r pecyn.

Wrth dalu am y Pecyn Addysg rwyf wedi darllen a deall y telerau ac amodau uchod.

I dalu:
Cliciwch ar y botwm 'Paypal' isod ar gyfer taliad gael ei brosesu ar-lein. Ar ôl prosesu eich taliad, cliciwch ar "Return to Canolfan Dreftadaeth Kate Robert" mewn oren ar wefan Paypal i gael mynediad i'r Pecyn Addysg Ddigidol.